父早逝孭幾十萬債 王祖藍攞過兩年綜援

父親早逝，祖藍（右）孭起頭家，一度要靠綜援過日子。

【東方日報專訊】藝人王祖藍昨日到油麻地香港理工大學專業進修學院與學生分享經驗，現已名成利就的他，年少時受過不少磨練，在演藝學院讀書期間，爸爸不幸離世，他不但要償還爸爸的醫藥費，更因為親戚作信用卡擔保人，年紀小小已孭起數十萬債務，要領取綜援過活！他說：「攞咗兩年綜援，直至入咗TVB幾個月，開始有穩定收入就唔使再攞。（兩餐都有問題？）係（口架）！阿媽朝早去樓下茶餐廳兼職，中午就返屋企煮飯，朋友喺經濟上都好幫手。（要節衣縮食還債？）每個月所賺嘅錢都攞晒去還債，嗰陣冇積蓄，唔敢去旅行，驚畀人鬧點解有錢唔還債。嗰段時間捱咗兩、三年，還晒債一身鬆晒，第一時間去泰國旅行！」

娛樂资讯

回想入行辛酸，他表示最大壓力是以演員身份「空降」為劇集《老表，你好嘢！》寫劇本：「當年引起一陣哄動，好大壓力，好彩有知音，好似梁乃鵬博士同梁家樹都好支持，令我今時今日都可以繼續寫落去。」他最近便忙於為10月拍攝的電影及明年開拍的大型古裝劇寫劇本。

文章轉自：https://hk.celebrity.yahoo.com/父早逝孭幾十萬債-王祖藍攞過兩年綜援-224017609.html