話時話:世界難撈 一不小心隨時變咗犯眾憎

Eudora 838 2017-06-27 綜合

金曲奬

唔少樂迷都有留意日前台灣嘅金曲奬,雖然典禮已經告一段落,但中間就發生咗一段小插曲似乎仲未平息。事源容祖兒Joey都有到金曲奬現場任頒奬嘉賓,但佢頒奬俾其中一個單位因為唔識讀得奬者「何旭庭」個名,讀成「何甚麼庭」,仲且得奬者開玩笑講「可唔可以自己上台?」而惹嚟好多港、台兩地嘅網民批評,認為Joey唔夠專業。即使Joey後來係instagram動態到重新讀番好,一樣引黎呢個道歉方法唔得,因為instagram動態24小時後就會消失,要道歉就應該出留有record嘅feed。而家嘅網民要求真係高,睇嚟Joey都要係今次嘅事都長一智,學下點樣處理呢種事啦。

儘快道歉

現今資訊流通速度咁快,即使做錯咗好小嘅事但已經通哂天所有人都知道,所以回應嘅反應最緊要快,儘快止血免得件事繼續發酵落去。

親自表達

道歉嘅方式有好多種,但最重要都係親自表達,咁樣人地先至會覺得有誠意,而家好似拍段短片、開個live甚至一張相點都好過單純好似新聞稿嘅文字式道歉。

汲收經驗

做人最重要係經一事長一智,除咗係道歉中要講將來會更小心避免再犯外,亦真係要從中學習汲取教訓,例如事前要多作準備,咁就可以減少出錯被攻擊嘅機會。

忘記過去

要知道今時今日身邊人甚或係網民嘅道德標準真係高得可以(只要事不關己時)、講嘅野亦可能極不負責任、甚至抱著一沉百踩嘅心態,所以做完本份後就忘記過去睇開啲啦。

相片來源:yungchoyee@instagram



文章轉自:https://hk.style.yahoo.com/話時話世界難撈-一不小心隨時變咗犯眾憎-091542383.html

 

相似文章